خلونا نتكلم شويه عن الفايروسات الضربت اجهزه الاندرويد مؤخرا .. من وين جات .. والمصدر الاساسي بتاعها شنوو

طيب اولا الفايروسات دي عباره عن تطبيقات بتنزل عن طريق تطبيق حا اذكرو لاحقا وبتتثبت في الجهاز وبتاخد صلاحيات تطبيقات النظام

ده تعريف مختصر للفايروسات دي وحا افصل ليكم التعريف ده كلوو
طيب اولا انا قلت هي تطبيقات وبتنزل عن طريق تطبيق والتطبيق ده غالبا ما يكون متجر من المتاجر مثلا زي موبيقيني (وده اكتر متجر ملان فايروسات) او ون موبايل ماركت
ثانيا وزي ماقلت ليكم انا انوو بتتثبت في الجهاز طيب ممكن حد يسال كيف يتثبت في الجهااز وانا ما اديتو موافقه بي انو يتثبت
بصراحه انت وبصوره غير مباشره وافقت علي انك تثبت التطبيقات دي في جهازك عن طريق انك اديت اذونات لتطبيق المتجر بانو يثبت تطبيقات من نفسه ( مامصدق شوف اذونات التطبيق عند تثبيته او شوف الصور النرفقه مع البوست)
ثالثا انا قلت انها بتاخد صلاحيات تطبيقات نظام والمعروف انو تطبيقات النظام لا يمكن مسحها حتي ولو عملت فورمات لهاتفك حاتلقي الفايروس لسه قاعد
طيب كيف قدر يعطي لي نفسو صلاحيه بانو يكون من ملفات النظام
برضو عن طريق المتجر (شوف الصوره المرفقه)
الفايروسات دي بتخلي الجهاااز تقيل شديد
بتخليهووو يعلق وبشكل مستمر
بتظهر ليك رسايل انو تم ايقاف كذا وكذا
بتخلي الجهاز يفتح بعد سنه
بتنزل ليك تطبيقات اباحيه في تلفونك
ده كلام مختصر عن الفايروسات دي لانوو في ناس كتيييره بقولو لي في تطبيقات بتنزل براها وماعارفنها بتنزل من وين … واعتقد انوو بعد ده هوو عرف التطبيقاات دي بتجي من نفسك
ومعروف يا جماعه انو الوقايه خيير من العلاج
يعني عاااوز تنزل تطبيق ادخل قوقل بلاي ونزلو منوو … قوقل بلاي ماشغال عندك او فيه مشكله راسلنا هنا في الصفحه بنوفر ليك التطبيق العاوزو في اقرب فرصه بس استحمل تاخيرنا شويه لانوو لاي زول فينا مشاغل اخري … ماقدرت تصبر او نحن ماقدرنا نوفر ليك التطبيق اكتب في قوقل اسم التطبيق وبعديهو اضف. Apk يعني لو عاوز تطبيق الواتساب اكتب whatsapp.apk.

وفي حاجه تانيه عاوز اقولها
ياريت اي واحد فينا لما ينزل تطبيق يقرا اول شي ااذونات التطبيق والكلام ده مهم شديد … اقرا وشوف الصلاحيات البطلبها التطبيق واذا في اي حاجه ما طبيعيه ما تثبتو زي مثلا تطبيق تسجيل مكالمات ويطلب صلاحيات تحديد الموقع او استخدام الكاميرا

Facebook Comments

عن الكاتب

ahmed hider

ضع تعليق

Download Premium Magento Themes Free | download premium wordpress themes free | giay nam dep | giay luoi nam | giay nam cong so | giay cao got nu | giay the thao nu